ເມືອງໂພນໂຮງ ທົ່ງນາກ້ວາງໃຫຍ່ ໃຈຝັນໃຝ່ ຜູກມິດໄມຕີ ສາມັກຄີ ກັບໝົດທຸກທ່ານ ໃຜໄດ້ຜ່ານ ເຊີນແວ່ມາຢາມ ມີສາວງາມ ສົມເພັງເຂົາອ້າງ ມີວັງຊ້າງ ລີ່ສ່ອດລືຊາ ໃຜໄດ້ມາ ຢ່າລືມຢ່າພາດ ທຳມະຊາດ ດານພະງາມຫຼາຍ ແລ້ວຈີ່ງກາຍ ໄປທາດດອນແກ້ວ ສ່ຽງໂຊກແລ້ວ ບຸນໄດ້ໂຊກດີ...ທ່ານເອີຍ

ໜ້າຫຼັກ / Amphai SOUTHAMMAVONG

Amphai SOUTHAMMAVONG

ເມືອງ ໂພນໂຮງ ແຂວງວຽງຈັນມອບ-ຮັບໜ້າທີ່ລະຫວ່າງເຈົ້າເມືອງຜູ້ເກົ່າ ແລະ ຜູ້ໃໝ່.

ພິທີມອບໜ້າທີ່ເຈົ້າເມືອງຜູ້ເກົ່າ ແລະ ຜູ້ໃໝ່ລະຫວ່າງທ່ານນາງ ອິ່ນຄຳ ພັນດາລາ ກຳມະການພັກແຂວງ ເລຂາພັກເມືອງເຈົ້າເມືອງໂພນໂຮງຜູ້ເກົ່າ ແລະທ່ານ ສົມປະສົງ ສຸວົງຄຳຈັນກຳມະການພັກແຂວງ ວ່າການ ເລຂາພັກເມືອງ ເຈົ້າເມືອງໂພນໂຮງຜູ້ໃໝ່ຈັດຂື້ນໃນວັນທີ 3 ມັງກອນ2020ນີ້ໂດຍການເປັນກຽດເຂົ້າຮ່ວມຂອງທ່ານ ວິນັດ ສີສຸວົງ ຄະນະປະຈຳພັກແຂວງ ປະທານກວດກາພັກ ຫົວໜ້າພະແນກກວດກາລັດແຂວງວຽງຈັນໂດຍການນຳຂັ້ນເມືອງ,ມີບັນດາ ຫົວໜ້າຫ້ອງການແລະອົງການປົກຄອງບ້ານທົ່ວເມືອງເຂົ້າຮ່ວມ.

ອ່ານເພີ່ມ...

ພິທີເປີດງານບຸນກິນຈຽງກຸ່ມບ້ານພັດທະນານາເລົາຫລັກ 52 ປະຈຳປີ2019ເມືອງໂພນໂຮງແຂວງວຽງຈັນ

ພິທີເປີດງານບຸນກິນຈຽງກຸ່ມບ້ານພັດທະນານາເລົາຫລັກ 52 ປະຈຳປີ2019ເມືອງໂພນໂຮງແຂວງວຽງຈັນ ຈັດຂື້ນຢ່າງເປັນທາງການ ວັນທີ30ທັນວາ2019ຢູ່ທີ່ກຸ່ມບ້ານດັ່ງກ່າວໂດຍການເປັນກຽດເຂົ້າຮ່ວມຂອງທ່ານ ປອ ຈະເລີນ ເຢຍປາວເຮີ ລັດຖະມົນຕີຣ ປະຈຳສຳນັກງານນາຍົກ,ມີທ່ານ ຄຳພັນ ສິດທິດຳພາ ກຳມະການສູນກາງພັກ ເຈົ້າແຂວງໆວຽງຈັນ,ມີທ່ານນາງ ອິ່ນຄຳ ພັນດາລາ ເຈົ້າເມືອງໆໂພນໂຮງ,ມີການນຳຂັ້ນແຂວງ,ເມືອງແລະພໍ່ແມ່ປະຊາຊົນເຂົ້າຮ່ວມຢ່າງຫຼວງຫຼາຍ.

ອ່ານເພີ່ມ...

ເມືອງໂພນໂຮງແຂວງວຽງຈັນປະກາດຮັບຮອງເອົາ 23 ບ້ານເປັນບ້ານແບບຢ່າງ ປະຕິບັດກົດໝາຍ ປີ2019.

ພິທີປະກາດຮັຍຮອງ23ບ້ານເປັນບ້ານແບບຢ່າງປະຕິບັດກົດໝາຍປີ2019ຈັດຂື້ນໃນວັນທີ 19ທັນວາ2019ຢູ່ທີ່ສະໂມສອນໃຫຍ່ຂອງເມືອງໂດຍມີຄະນະຮັບຜິດຊອບຂັ້ນແຂວງ,ເມືອງເຂົ້າຮ່ວມ. ໃນນີ້ມີບ້ານ ບ້ານໂພນໄຊ,ໂຮງເລື່ອຍ,ໂພນທັນ,ແອກຊ້າງ,ພູສັນ,ນາບອນ,ບ້ານທາດ,ບ້ານຂາມ,ໂພນແກ້ວ,ໂພນງາມໄຕ້,ໂພນສີ,ນາເລົາ,ບ້ານໂພນ,ໜອງນາກ,ເຕົາຖ່ານ,ໂພນຂາມ,ນາຊອມ,ແສນຊຸມ,ໂພນໂຮງ,ນາເຫົຼ່າ,ວັງມົນ,ຫັຼກ52ແລະ ບ້ານໜອງປຸ່ງ ປະຊາຊົນ23ບ້ານໄດ້ຮັບການສຶກສາອົບຮົມ ເຊື່ອມຊືມແນວທາງມະຕິຄຳສັ່ງຂອງພັກ-ລັດໄດ້ຮຽນຮູ້ລະບຽບກົດໜາຍປະເມີນໄດ້ 96%,ປະຊາຊົນ23ບ້ານມີຄວາມສາມັກຄີຫ້າວປະກອບສ່ວນເຂົ້າວຽກງານປະເມີນໄດ້97%,ປະຊາຊົນບໍ່ມີການພົວພັນການຄ້າຂາຍເຖືອນເປັນການລະເມີດລະບຽບກົດໝາຍປະເມີນໄດ້96%,ປະຊາຊົນມີຄວາມເປຫນເຈົ້າການສະກັດກັ້ນບໍ່ໃຫ້ເກີດຂໍ້ຂັດແຍ່ງ ແລະສາມາດແກ້ໄຂບັນຫາໄດ້ປະເມີນໄດ້97%,ອົງການປົກຄອງບ້ານມີແບບແຜນວີທີເຮັດວຽກທີ່ດີແລະຫັນວຽກງານໄປສູ່ກົດໝາຍເທື່ອລະກ້າວປະເມີນໄດ້98%,ພາຍໃນ1ປີ23ບ້ານແມ່ນບໍມີບຸກຄົນໃດຖືກດຳເນີນຄະດີຕາມຂະບວນການຍຸຕິທຳຍ້ອນມີການກະທຳຜິດທີ່ລະເມີດລະບຽບກົດໝາຍ. ດັ່ງນັ້ນຄະນະຮັບຜິດຊອບຈຶ່ງປະກາດຮັບຮອງເອົາ23ບ້ານເປັບບ້ານແບບຢ່າງປະຕິບັດກົດໝາຍຂອງເມືອງ.

ອ່ານເພີ່ມ...